ethiri.com

இது தான் வாழ்வு புரிந்து விடு …

தேடி தேடி பேச வந்தேன்
தேடா நீ நின்றாய் – இன்று
தேவை கூடி வரவோ என்னை
தேடி ஓடி வந்தாய் …?

மனதை உடைத்து வலிகள் தந்து
மாயம் மறைந்தாயே ..?- நீ
பறந்த பின்னே மனிதன் ஆனேன்
பாவை அறிவாயோ …..?

ethiri.com

வலிகள் தந்த அவமானம்
வாழ்வு தந்ததடி- நான்
வளர உதவி புரிந்தாய்
உனக்கு மன்றில் நன்றியடி ….

சொத்து ,பத்து, இல்லை என்றே
சோடனை புரிந்தாயோ..? – இன்று
சோழ காற்றாய் நானும் வீச
சோகம் கொண்டாயோ …?

வலிகள் சூடி வழியில் விட்டே
வள்ளி நீ சென்றாய் – நிலை
மாற்றி நானும் வையம் நிமிர்ந்தேன்
மங்கை ஏன் வியந்தாய் ..?

பழகும் போதே ஒருவர் சிந்தை
பாதியில் அறிந்து விடு – அது
பாய போகும் ஏவுகணையா
பைந்தமிழ் பிடித்து விடு …..

உறவில் ஒன்று உணர மறந்தால்
உறவு நிலைக்காது ….
எதிர் காலம் ஒன்றை தொலைத்த வாழ்வின்
ஏக்கம் தணியாது …..

அழகை வைத்து ஆடி பார்த்தாய்
ஆட்டம் என்னாச்சு ..? – உந்தன்
அழகு செத்து உடலும் நலிய
அழுகிறாய் என்னாச்சு …?

வன்னி மைந்தன் ( ஜெகன் )
ஆக்கம் -01/01/2018 

Related Post