ethiri.com

அந்த நடிகை வேண்டாம்: முன்னணி நடிகரின் திடீர் முடிவு

முன்னணி நடிகர் ஒருவர் நடிக்கவிருக்கும் இரண்டாவது பாகத்தில், முதல் பாகத்தில் நடித்த அந்த நடிகை வேண்டாம் என்று நடிகர் கூறியிருக்கிறாராம்.

பட்டதாரி நடிகர், ஸ்டார் நடிகரின் மகள் இயக்கத்தில் நடித்துள்ள படம் விரைவில் ரிலீசாக இருக்கிறது. இந்நிலையில் தனது ஹாலிவுட் படத்தின் படப்பிடிப்பையும் முடித்துவிட்ட அந்த நடிகர், தனது அடுத்தடுத்த படவேலைகளில் கவனம் செலுத்தவிருக்கிறார். இதுதவிர நடிகரின் கைவசம் பல படங்கள் இருந்த போதிலும், நடிகர் ரவுடியாக நடித்த படத்திற்கான அடுத்த பாகம் விரைவில் துவங்க இருக்கிறது.

ethiri.com

அந்த படத்திற்கான அடுத்தகட்ட பணிகளில் படக்குழு தீவிரமாக ஈடுபட்டிருக்கிறது. அதன் ஒருபகுதியாக, இரண்டாவது பாகத்திலும், முதல் பாகத்தில் நடித்த அதே நடிகையுடன் படக்குழு பேச்சுவார்த்தையை நடத்தி இருக்கிறது.

தமிழ், தெலுங்கு என இரு மொழிகளிலும் பிசியாக இருக்கும் அந்த நடிகை தமிழில் தற்போது முன்னணி நடிகர்களின் படங்களில் நடித்து வருகிறார். அந்த இருபடங்களும் விரைவில் ரிலீசுக்கு காத்திருக்கின்றன.

இந்நிலையில், பட்டதாரி நடிகரின் ரவுடி படத்தில் தான் நடிக்க வேண்டும் என்றால், ரூ.2 கோடியை சம்பளமாக தரவேண்டும் என்று நடிகை கேட்டிருக்கிறாராம். நடிகையின் இந்த முடிவை இயக்குநர் நடிகரின் காதில் போட்டியிருக்கிறார். ஆனால் பட்டதாரி நடிகர், அந்த நடிகை வேண்டாம். திரைக்தையில் மாற்றத்தை கொண்டு வந்து வேறு நடிகையை ஒப்பந்தம் செய்யும்படி இயக்குநரிடம் கூறிவிட்டாராம்.

இருப்பினும், சம்பளத்தை கொஞ்சம் குறைத்து பேச தயாரிப்பாளர் தரப்பு முடிவு செய்திருப்பதாக கோலிவுட் வட்டாரத்தில் பேசப்படுகிறது.  

Related Post